حوزہ نیوز ایجنسی کی رپورٹ کے مطابق/ انصار اللہ کے رہنما اور یمن کی قومی مذاکراتی کمیٹی کے رکن "عبدالسلام جحاف" نے اپنے ٹویٹر اکاؤنٹ پر لکھا: یقین جانیں سعودی عرب اور متحدہ عرب امارات اپنی قبریں خود کھود رہے ہیں۔ ان کی رنگ ریلیاں، ان کی خوشیاں اور آسائشیں دکھ اور غم میں بدل جائیں گی۔" کیونکہ انہوں نے خدا کے بندوں پر ظلم کیا اور حرام خون بہایا... لاکھوں بے گناہ لوگوں کا محاصرہ کیا اور بھوکا رکھا۔ یہ سب کچھ خدائی انصاف کی خلاف ورزی کرتے ہوئے کیا جارہا ہے، یہ جانے بغیر کہ وہ خدا کے انتقام کے بالکل قریب ہیں اور ہمارے ہاتھوں وہ جڑ سے مٹا دیئے جائیں گے۔
